Vetenim.info– nun digər saytlardan əldə etdiyi xəbər
Xəbər verdiyimiz kimi, keçən həftədən bəri vətəndaşların elektik enerjisi sərfiyyatı ilə bağlı şikayətləri kütləvi hal almışdı. Hadisə ilə bağlı “Azərişıq” ASC-nin mətbuat xidmətinin rəhbəri Tanrıverdi Mustafayev müvafiq suallara cavab verməklə yanaşı, avqust ayının 11-də mətbuat konfransı keçirmiş, jurnalistlərin və ekspertlərin ünvanladığı suallara cavab verilmişdi.
Turkustan.info xəbər verir ki, mətbuat konfransı keçirildikdən sonra da vətəndaşlar arasında hələ də elektrik enerjisi sərfiyyatının çox gəlməsi ilə bağlı şikayətlər davam edir.
“Azərişıq” ASC-nin mətbuat xidmətinin rəhbəri Tanrıverdi Mustafayev Cebhe.info-ya açıqlamasında bildirib ki, hələ də narazı olan, şübhəsi olan vətəndaşlar varsa, buyurub “Azərişıq” ASC-yə müraciət edə bilərlər:
“Biz bununla bağlı olaraq mətbuat konfransı keçirdik. Mətbuat konfransında suallar cavablandırıldı və şikayətçilərin şikayətlərinə elə ordaca aydınlıq gətirildi. Bunlardan sonra hələ də şübhəsi qalan vətəndaşlar varsa, müraciət etsinlər və məsələni araşdıraq”. /Cebhe.info/