Vetenim.info– nun digər saytlardan əldə etdiyi xəbər
Mərmərə qapalı dəniz olmasına baxmayaraq, sunami təhlükəsi daşıyır. Sunami dalğaları İstanbulun Ataköy bölgəsinə qədər irəliləyə bilər.
Turkustan.info xəbər verir ki, bu sözləri 15 il ərzində baş verməsi proqnozlaşdırılan İstanbul zəlzələsi ilə bağlı danışan Yıldız Texniki Universitetinin Təbiət Elmləri Araşdırma Mərkəzinin sədri, geoloq Şükrü Ərsoy deyib.
“1509-cu ildəki İstanbul zəlzələsinin eynisi bu gün baş versə, 80 min ev dağıla bilər. Bu, minimum 150 min insanın dünyasını dəyişməsi deməkdir. Bu rəqəm 500 minə qədər yüksələ bilər. Geridə qalan 2.5 milyon insana müvəqqəti yaşayış düşərgələrində günlərlə, bəlkə də 2 il ərzində baxmaq məcburiyyətində qalacağıq. Mümkün İstanbul zəlzələsi böyük ehtimalla Mərmərə dənizində olacaq. Sunami mənim elmi fəaliyyət sahələrimdən biridir. Bu mövzuda ekspert kimi deyə bilərəm ki, Mərmərə dənizinin sunami təhlükəsi var. Dalğaların hündürlüyü 3-6 metr arası ola bilər, ancaq bir metrlik sunami dalğasının İstanbul sahillərindən yüz metr içəri daxil olması sahildəki bütün maşınların dənizə çəkilməsi anlamına gəlir. Bu bəs etməz? Misal üçün, Ataköy dümdüz bir yerdir. Suyun qarşısında sədd olacaq heç bir maneə yoxdur. Sunami dalğaları Ataköyün sonuna qədər gedəcək. Binalar sağlam ola bilər, ancaq zəlzələ sonrası çölə çıxan insanlar küçələrdəki dalğalardan zərər görə bilər. Sunami dalğasıyla insanlar ölə bilər”, – ekspert bildirib. /Axar.az/