Prezident Donald Trampın müşaviri Con Boltonun rəhbərliyi ilə ABŞ Milli Təhlükəsizlik Şurası Pentaqondan İrana zərbələrin endirilməsi ilə bağlı planın hazırlanmasını xahiş edib.
Turkustan.info xəbər verir ki, bu barədə “Vol Strit” jurnalı məlumat yayıb.
Şuranın belə qərar qəbul etməsinə səbəb kimi ötən ilin sentyabrında Bağdadda amerikalı diplomatların olduğu məhəllənin atəşə tutulması göstərilib.
“Onların tədbirsiz şəkildə İrana hücum etməyi planlaşdırmasına görə şok keçirdik”, – deyə adı açıqlanmayan yüksək rütbəli şəxs jurnala bildirib.
Bundan əlavə, Pentaqonun belə bir planı hazırlamağa başladığı barədə də məlumat verilib.
Qeyd edək ki, amerikalı rəsmi şəxslər həqiqətən də belə bir planın işlənib-hazırlanması ilə bağlı xəbəri nə təkzib, nə də təsdiq ediblər. /Axar.az/