Venesuelanın işlərinə hərbi müdaxilə faciəli ssenari olar.
Turkustan.info Publika.az-a istinadən xəbər verir ki, bu haqda Rusiyanın xarici işlər nazirinin müavini Sergey Ryabkov bildirib.
Onun sözlərinə görə, Moskva hərbi müdaxilənin nəticələri barədə Vaşinqtonu xəbərdar edib.
“Biz hesab edirik ki, bu, faciəli ssenari olardı. Bu, Latın Amerikası regionunda müşahidə edilən inkişaf modelininin əsaalarını sarsıdacaq”, – o deyib.
Xatırladaq ki, Venesuela müxalifətin 35 yaşlı lideri və parlamentin spikeri Juan Quaydo ötən gün özünü ölkənin müvəqqəti prezidenti elan edib. Quaydonun prezidentliyini ABŞ da daxil olmaqla artıq bir neçə ölkə tanıyıb.
ABŞ Dövlət Departamenti Maduronu zorakılığa əl atmaması barədə xəbərdar edib. ABŞ Maduronun hökumət qoşunları ilə güc tətbiqi halında Venesuelaya qarşı sanksiyaların sərtləşdirilməsini, həm də hərbi müdaxiləni istisna etmir.