Vətənim Media xəbər verir ki, oktyabrın 8-də Türkmənistanın Türkmənbaşı şəhərində Azərbaycan və Mərkəzi Asiya ölkələrinin dövlət başçılarının 8-ci Məşvərət görüşü keçirilib. Azərbaycan Prezidenti İlham Əliyev tədbirdə çıxış edərək region ölkələri ilə əlaqələrin genişlənməsinə və əməkdaşlığın əsas istiqamətlərinə toxunub.
Prezident Azərbaycanın Mərkəzi Asiya ölkələri ilə ticarət dövriyyəsinin ötən il 50 faizdən çox artdığını bildirib. Onun sözlərinə görə, nəqliyyat əməkdaşlığın mühüm sahələrindəndir; Azərbaycan Qazaxıstan və Özbəkistanla yaşıl enerji dəhlizinin yaradılması istiqamətində də işləyir. Əliyev azad edilmiş ərazilərin bərpasına göstərilən qardaş dəstəyinin xüsusi əhəmiyyətini vurğulayıb, Azərbaycan-Türkmənistan münasibətlərinin son illərdə dinamik inkişaf etdiyini qeyd edib.
Əsas mənbə: APA