Vətənim Media xəbər verir ki, sosial şəbəkələrdə saxta torpaq elanları yerləşdirməkdə ittiham olunan Ayxan Məlikov və Qabil Əliyev barəsində hökm çıxarılıb. Bakı Ağır Cinayətlər Məhkəməsinin qərarı ilə Məlikov 6 il 2 ay, Əliyev isə 4 il müddətinə azadlıqdan məhrum edilib.
İttihama görə, təqsirləndirilənlər Xəzər rayonu və başqa ərazilərdəki eyni torpaq sahələrini təxminən 50 nəfərə sataraq 500 min manatadək vəsait əldə ediblər. Onların özlərini torpaqların sahibi kimi təqdim etdikləri və sənədləşmə prosesində iştirak etdikləri bildirilir. Vətəndaşların şikayətlərindən sonra cinayət işi başlanıb; onlara dələduzluq və saxta sənədlərlə bağlı maddələrlə ittiham irəli sürülüb.
Əsas mənbə: APA