Vətənim Media xəbər verir ki, Biləsuvar rayonu ərazisində, yeni Ələt–Astara magistralında baş verən zəncirvari yol qəzasında 1964-cü il təvəllüdlü Fəxrəddin Adil oğlu Qurbanov həyatını itirib. Hadisə Bakı istiqamətində hərəkət edən “Niva”nın yol kənarında dayanmış “Mercedes”lə toqquşmasından sonra qeydə alınıb. Toqquşmanın təsiri ilə nəqliyyat vasitələrinin daha iki avtomobillə də toqquşduğu bildirilir.
Qəza nəticəsində 1956-cı il təvəllüdlü Mahmudağa Hacıağa oğlu Əliyev, 1997-ci il təvəllüdlü Nişanə Mübariz qızı Əmənova, 1996-cı il təvəllüdlü Rauf Volodiya oğlu Məmmədov və 1991-ci il təvəllüdlü Pərviz Mübariz oğlu Əhədov xəsarət alıblar. Yaralıların müxtəlif rayon və paytaxt sakinləri olduğu qeyd edilir. Hadisənin səbəbləri araşdırılır; sürücünün idarəetməni itirməsi barədə deyilənlər şahidlərin ilkin ehtimalıdır.
Əsas mənbə: APA