Vətənim Media xəbər verir ki, 2020-ci il oktyabrın 18-də Azərbaycan Ordusu Cəbrayıl rayonunun Xudafərin kəndini və tarixi Xudafərin körpülərini işğaldan azad edib. Bu hadisədən altı il ötür. Əməliyyat Vətən müharibəsinin 22-ci günündə baş verib; müharibə həmin il sentyabrın 27-də başlamışdı.
Həmin gün Cəbrayıl rayonunun Hacılı və Hacı İsaqlı kəndləri də işğaldan azad olunub. Təxminən 30 illik işğal dövründə Xudafərin kəndində evlər və digər tikililər dağıdılaraq xarabalığa çevrilib. Körpülərin azad edilməsi müharibənin əlamətdar hadisələrindən biri, Azərbaycan Ordusunun qələbəyə inamını artıran və qarşı tərəfin hərbi-psixoloji məğlubiyyətinə təsir edən amillərdən sayılır.
Əsas mənbə: APA