Vətənim Media xəbər verir ki, oktyabrın 26-da Şamaxı rayonunun Göylər kəndində yeni körpələr evi-uşaq bağçası istifadəyə verilib. Açılışda Heydər Əliyev Fondunun vitse-prezidenti Leyla Əliyeva və Alyona Əliyeva iştirak ediblər.
160 uşaq üçün nəzərdə tutulan müəssisədə müxtəlif yaş qrupları, yataq otaqları, musiqi və gimnastika zalları, yeməkxana və tibb otağı yaradılıb. Bağçanın inşasına Heydər Əliyev Fondu 2025-ci ildə başlayıb. Müəssisədə 17 nəfər çalışacaq: 12 texniki və 5 pedaqoji işçi.
Bağçanın müdiri Aygün Mikayılovanın APA-ya verdiyi məlumata görə, 7 750 nəfər əhalisi olan kənddə əvvəlki 55 yerlik bağça yararsız vəziyyətdə idi. Yeni müəssisə 2–3, 3–4 və 4–5 yaşlı uşaqlar üçün üç qrupdan ibarətdir.
Əsas mənbə: APA