Vətənim Media xəbər verir ki, ABŞ prezidenti Donald Tramp 2026-cı ildə keçiriləcək aralıq seçkilərdə və əvvəlki seçkilərdə saxtakarlıqlar barədə məlumat verənlərə 1 milyon dollar mükafat vəd edib. APA-nın məlumatına görə, Tramp mükafatın saxtakarlıqların arxasında duran şəxslər saxlanılaraq məhkum edildikdən sonra veriləcəyini bildirib.
Tramp və respublikaçılar 2020-ci il prezident seçkilərində pozuntular olduğunu iddia ediblər. Səslərin yenidən sayılması ilə bağlı məhkəməyə müraciətlər isə nəticəsiz qalıb. 2024-cü il seçkilərində Tramp demokratların namizədi Kamala Harrisə qalib gəlib.
Respublikaçıların idarə etdiyi bəzi ştatlarda səsverməyə nəzarətin sərtləşdirilməsi təşəbbüslərini demokratlar tənqid edib. Onların fikrincə, bu addımlar seçicilərin səsverməsini çətinləşdirə bilər.
Əsas mənbə: APA