Vətənim Media xəbər verir ki, 2020-ci il oktyabrın 28-də Ermənistan silahlı qüvvələri Bərdə şəhərini kasetli bombalarla atəşə tutub. Zərbə nəticəsində 21 nəfər həlak olub, 70-ə yaxın şəxs yaralanıb.
APA-nın məlumatına görə, hücum saat 13 radələrində, dinc sakinlərin sıx olduğu və ticarət obyektlərinin yerləşdiyi əraziyə endirilib. Mülki infrastruktur və nəqliyyat vasitələrinə də ciddi ziyan dəyib. 2020-ci il sentyabrın 27-dən noyabrın 10-dək Bərdə rayonuna hücumlar nəticəsində ümumilikdə 29 sakin həlak olub, 112 nəfər yaralanıb. Həlak olanlardan ikisi uşaq, səkkizi qadın, 19-u kişi olub.
Əsas mənbə: APA