Vətənim Media xəbər verir ki, Milli Məclisin Səhiyyə komitəsinin sədri Əhliman Əmiraslanov “Ürək transplantasiyası həftəsi” çərçivəsində keçirilən konfransda ürək transplantasiyası gözləyən şəxslərin sayının olduqca çox olduğunu bildirib.
Əmiraslanovun sözlərinə görə, səhiyyə xərcləri əvvəlki illərdəki təxminən 800 milyon manatdan hazırda 4 milyard manat civarına yüksəlib. Yeni dövlət büdcəsində səhiyyəyə təxminən 2 milyard 100 milyon manat ayrılıb; icbari tibbi sığortanın xərcləri nəzərə alındıqda ümumi məbləğ daha da artır. O, idarəetmənin Səhiyyə Nazirliyinin tabeliyində birləşdirilməsinin orqan transplantasiyası da daxil olmaqla səhiyyə sahələrində vəsaitlərdən daha səmərəli istifadəyə imkan verəcəyini deyib.
Əsas mənbə: APA