Vətənim Media xəbər verir ki, Bakı Ağır Cinayətlər Məhkəməsi eyni torpaq sahələrini bir neçə nəfərə satmaqda və külli miqdarda dələduzluqda təqsirləndirilən Ayxan Məlikov və Qabil Əliyev barəsində hökm çıxarıb. Hakim Leyla Əsgərova-Məmmədovanın sədrliyi ilə keçirilən prosesdə Məlikov 6 il 2 ay, Əliyev isə 4 il müddətinə azadlıqdan məhrum edilib.
İttihama görə, təqsirləndirilənlər sosial şəbəkələrdə saxta elanlar paylaşaraq Xəzər rayonu və digər ərazilərdəki torpaq sahələrini 50-yə yaxın vətəndaşa satıblar. Onlar özlərini torpaqların sahibi kimi təqdim edib və sənədləşmə prosesində iştirak ediblər. İş üzrə mənimsənildiyi iddia olunan məbləğ 500 min manata yaxındır. Vətəndaşların şikayətlərindən sonra cinayət işi başlanıb; şəxslər dələduzluq və saxta sənədlərlə bağlı maddələrlə ittiham olunublar. Ad və soyadların şərti olduğu bildirilib.
Əsas mənbə: APA