Vətənim Media xəbər verir ki, Bakı-Qazax magistralının Hacıqabul şəhərindən keçən hissəsində avtomobilin vurduğu piyada xəstəxanada vəfat edib. Hadisə magistralın 111-ci kilometrliyində baş verib.
Minik avtomobili Hacıqabul sakini, 1974-cü il təvəllüdlü Asəf Yusif oğlu Cəfərovu vurub. Ağır xəsarətlər alan piyada politravma və travmatik şok vəziyyətində Şirvan xəstəxanasının reanimasiya şöbəsinə yerləşdirilib. Həkimlərin müdaxiləsinə baxmayaraq, onun həyatını xilas etmək mümkün olmayıb.
Əsas mənbə: APA