Vətənim Media xəbər verir ki, “Azərbaycan Beynəlxalq Bankı” ASC 2026-cı ilin ilk doqquz ayında 352,4 milyon manat xalis mənfəət əldə edib. Bu, ötən ilin eyni dövrünün göstəricisindən 34,9 faiz çoxdur. Bankın faiz və qeyri-faiz gəlirlərinin cəmi 1 milyard 362,6 milyon manat olub, illik artım 20,4 faiz təşkil edib. Əməliyyat xərcləri isə 13,4 faiz artaraq 820 milyon manata yüksəlib.
Bank mümkün zərərlər üzrə ehtiyatlara hesabat dövründə 96,2 milyon manat ayırıb. Oktyabrın 1-nə kredit portfeli 2025-ci ilin sonu ilə müqayisədə 10,9 faiz artaraq 7,9 milyard manata çatıb. Bunun 3,8 milyard manatı biznes, 2,2 milyard manatı istehlak, 1,8 milyard manatı ipoteka kreditləridir. Depozit portfeli 20,4 faiz böyüyərək 10,7 milyard manat olub: 6,6 milyard manat hüquqi, 4,1 milyard manat fiziki şəxslərin əmanətləridir. Bankın balans kapitalı isə 5,4 faiz artımla 2,3 milyard manata yüksəlib.
Əsas mənbə: APA