Vətənim Media xəbər verir ki, rəsmi səfərlə Azərbaycanda olan Kamboca Baş naziri Hun Manet Milli Məclisin sədri Sahibə Qafarova ilə görüşüb. Tərəflər iki ölkə arasında əlaqələrin inkişafını və qarşılıqlı maraq doğuran məsələləri müzakirə ediblər.
Sahibə Qafarova səfərin Azərbaycan-Kamboca münasibətlərinin yüksək səviyyəsini göstərdiyini bildirib. Hun Manet isə Prezident İlham Əliyevlə iki gün əvvəl keçirdiyi görüşdə əməkdaşlığın müxtəlif sahələri üzrə məhsuldar fikir mübadiləsi aparıldığını deyib. Baş nazir iqtisadiyyat, təhsil, müdafiə sənayesi, ticarət, turizm və xalqlar arasında təmasların artırılması ilə bağlı müzakirələrdən danışıb. Görüşdə humanitar əlaqələrin əhəmiyyəti də vurğulanıb; Qafarova Hun Manetin Asiyada Qarşılıqlı Fəaliyyət və Etimad Tədbirləri üzrə Konfransın Zirvə Görüşündə iştirakının dialoq və regional sülhə dəstək olduğunu qeyd edib.
Əsas mənbə: APA