Vətənim Media xəbər verir ki, təhsil eksperti Elmin Nuri vahid məktəbli geyimi və müəllimlər üçün geyim standartları ilə bağlı qərarların tədris mühitində nizam-intizamı və bərabərliyi dəstəklədiyini bildirib. Onun sözlərinə görə, bu yanaşma təkcə pedaqoji prinsiplərlə deyil, həm də milli dəyərlər və kimliklə əlaqəlidir. Ekspert hesab edir ki, geyim qaydalarına dair qərarların mahiyyəti bəzən yanlış kontekstdə müzakirə olunur.
Nuri qeyd edib ki, məktəbli forması şagirdə təhsil aldığı müəssisənin bərabərhüquqlu üzvü olduğu mesajını verir və geyim fərqlərinin diqqət mərkəzinə çevrilməsinin qarşısını alır. O, vahid geyim qaydalarının bir çox ölkədə tətbiq olunduğunu, bəzi yerlərdə müəllimlər üçün də standartların müəyyənləşdirildiyini vurğulayıb. Ekspert bu yanaşmanın nəticələrinin bir neçə ildən sonra daha aydın görünəcəyini deyərək, mövzunun manipulyativ müzakirələrə yönəldilməməsinə çağırıb.
Əsas mənbə: APA