Vətənim Media xəbər verir ki, Fikrət Əmirov adına Gəncə Dövlət Filarmoniyasında fövqəladə hallar zamanı davranış və təxliyə qaydalarına dair təlim təşkil olunub. Gəncə şəhər Dövlət Yanğından Mühafizə İdarəsinin keçirdiyi tədbirə Fövqəladə Hallar Nazirliyinin canlı qüvvə və texnikası cəlb edilib. Təlimin məqsədi kollektivin yanğın zamanı davranış hazırlığını artırmaq və belə obyektlərdə yanğından mühafizə bölmələrinin fəaliyyətini təkmilləşdirmək olub.
Təlimin nəzəri hissəsində əməkdaşlara fövqəladə hallar zamanı görüləcək tədbirlər və təxliyə qaydaları izah edilib, sualları cavablandırılıb. Praktiki mərhələdə şərti yanğınla bağlı həyəcan siqnalı verildikdən sonra yanğından mühafizə bölmələri hadisə yerinə gəlib və müdaxiləyə başlayıb. İşçilər təxliyə planına uyğun olaraq təhlükəsiz əraziyə çıxarılıb, şərti xəsarət alanlara ilkin yardım göstərilib, yanğın isə qısa müddətdə söndürülüb. Təlimin yekununda nəticələr müzakirə olunub və müvafiq tapşırıqlar verilib.
Əsas mənbə: APA