Vətənim Media xəbər verir ki, kənd təsərrüfatı naziri Məcnun Məmmədov aqrar sahədə əsas məqsədin məhsuldarlığı və fermerlərin gəlirlərini artırmaq, kənd yerlərində həyat səviyyəsini yaxşılaşdırmaq olduğunu bildirib. O, bu fikirləri Ümumdünya Qida Gününə həsr edilən tədbirdə səsləndirib.
Nazirin sözlərinə görə, bu hədəflərə çatmaq üçün fermerlərin bilik və bacarıqlarının artırılması, müasir texnologiyalara çıxışın genişləndirilməsi və kiçik təsərrüfatların innovasiyalardan faydalanması vacibdir. Emal, saxlama və logistika infrastrukturunun inkişafı məhsul itkilərini azaltmaqla yanaşı, əlavə dəyər və məşğulluq imkanları yarada bilər. Məmmədov beynəlxalq əməkdaşlığı, qabaqcıl təcrübə və bilik mübadiləsini, eləcə də birgə tədqiqatları prioritetlər sırasında göstərib. O, Azərbaycanla BMT-nin Ərzaq və Kənd Təsərrüfatı Təşkilatı arasında ərzaq təhlükəsizliyi və dayanıqlı aqrar inkişaf istiqamətində əməkdaşlığın davam etdiyini, birgə layihələrin və COP29 çərçivəsindəki təşəbbüslərin bu sahələrə töhfə verdiyini qeyd edib.
Əsas mənbə: APA