Vətənim Media xəbər verir ki, FIFA prezidenti Canni İnfantino Bakıda keçirilən U-15 Dünya Çempionatı və Festivalının açılış günü Azərbaycanın Baş nazirinin müavini Samir Şərifovla görüşüb. APA-nın məlumatına görə, İnfantino görüşdən məmnunluğunu ifadə edərək, turnirin təşkilinə göstərilən əməkdaşlıq və dəstəyə görə Şərifova və Azərbaycan dövlətinə təşəkkür edib.
İnfantino bildirib ki, tədbir gənc istedadlara inkişaf etmək və bacarıqlarını göstərmək imkanı yaradır, həmçinin futbolun hər kəs üçün və dünyanın hər yerində olduğunu bir daha təsdiqləyir. O, futbolçulara, məşqçilərə və azarkeşlərə unudulmaz təcrübə arzulayıb.
Əsas mənbə: APA