Vətənim Media xəbər verir ki, VII Ümumdünya Mədəniyyətlərarası Dialoq Forumunda 100-dən çox ölkədən 500-dən artıq xarici nümayəndənin iştirakı nəzərdə tutulur. Mədəniyyət nazirinin müavini Fərid Cəfərov bu barədə APA-ya açıqlamasında bildirib.
Cəfərovun sözlərinə görə, forumun builki mövzusu “Parçalanmış dünyada körpülərin qurulması – ortaq gələcək naminə”dir. Proqramda elmi müzakirələrin genişləndirilməsi, gənclər üçün layihələrin hazırlanması və gələcəyə baxışı əks etdirən sənədin tərtibi nəzərdə tutulur. İştirakçılar arasında beynəlxalq təşkilat və hökumət nümayəndələri ilə yanaşı, QHT-lər, media mənsubları, gənc liderlər və dini liderlər də olacaq.
Forum çərçivəsində işğaldan azad edilmiş ərazilərə səfər və Qarabağ Universiteti ilə birgə tədbir planlaşdırılır. Cəfərov qeyd edib ki, bu səfər 2024-cü ildə keçirilən forumda da təşkil olunub.
Əsas mənbə: APA