Vətənim Media xəbər verir ki, “AzerGold” QSC Daşkənddə keçirilən 20-ci Beynəlxalq “MiningMetals” sərgisində “Ən yaxşı məhsul təqdimatı” nominasiyası üzrə mükafata layiq görülüb. “AzerGold”un APA-Economics-ə verdiyi məlumata görə, oktyabrın 27-dən 29-dək davam edən tədbirdə 18 ölkədən 163 şirkət iştirak edib.
Şirkət sərgidə 10 illik fəaliyyəti, Özbəkistandakı törəmə müəssisəsi və planlaşdırılan geoloji kəşfiyyat işləri barədə məlumat təqdim edib. Ziyarətçilər VR vasitəsilə Daşkəsən rayonundakı Çovdar İnteqrəolunmuş Regional Emal Sahəsi ilə tanış olub, qızıl və gümüş məhsullarına baxıblar. Nümayiş olunanlar arasında 27 çeşiddə sikkə, o cümlədən “Qarabağ” kolleksiyası və “100 il və onun fövqündə bir irs” adlı qızıl sikkə də yer alıb.
Əsas mənbə: APA