Vətənim Media xəbər verir ki, Azərbaycan Hava Yolları (AZAL) ilə “Sea Breeze”in keçirdiyi “Səma və Dəniz” lotereyasının əsas qalibi “Sea Breeze Resort” ərazisindəki “Park Lane” yaşayış kompleksində mənzil qazanıb. AZAL-ın APA-Economics-ə verdiyi məlumata görə, sentyabrın 28-də canlı yayımlanan elektron tirajda ümumilikdə 100 iştirakçı qalib olub.
Lotereyanın mükafatları arasında uçuş milləri, “ABB–AZAL Miles Co-brand Infinite” və “Platinum” kartları, “Crocus Fitness Baku”da birillik abunəliklər və “Aghalarov Rest” restoranlar şəbəkəsinin kuponları da olub. Kampaniya iyulun 8-dən sentyabrın 8-dək davam edib; iştirakçılar aviabilet alışı, mil toplamaq və istifadə etmək, eləcə də lotereya şərtlərində göstərilən digər əməliyyatlarla uduş şansı əldə ediblər.
Lotereyada iştirak üçün “AZAL Miles” üzvləri şəxsi kabinetlərindən kampaniyaya qoşulmalı idilər. Qaliblərin siyahısı Azərbaycan Hava Yollarının rəsmi internet səhifəsində yerləşdirilib.
Əsas mənbə: APA