Vətənim Media xəbər verir ki, APA-nın məlumatına görə, ABŞ dövlət katibi Marko Rubio Rusiyanın G20 çərçivəsində aparılan danışıqlarda iştirakının Prezident Donald Tramp üçün vacib olduğunu bildirib. O, bu fikri Corciya ştatının Atlanta şəhərində G20 ölkələrinin xarici işlər nazirlərinin görüşünün yekunlarına dair mətbuat konfransında səsləndirib.
Rusiyanın xarici işlər naziri Sergey Lavrovun görüşdə iştirakı və Prezident Vladimir Putinin sammitə dəvəti barədə suala cavab verən Rubio Putinin Mayamidə keçiriləcək dekabr sammitinə qatılıb-qatılmayacağının bilinmədiyini deyib. Onun sözlərinə görə, Rusiya tərəfi bununla bağlı hələ açıqlama verməyib və ya təsdiqləməyib. G20 liderlərinin sammitinin dekabrda Mayamidə keçirilməsi nəzərdə tutulur.
Əsas mənbə: APA