Vətənim Media xəbər verir ki, “Qalatasaray”ın İdarə Heyətinin sədr müavini Abdullah Kavukcu vəzifəsindən istefa verib. APA-nın məlumatına görə, o, klubun nüfuzuna və birliyinə zərər dəyməməsi üçün bu qərarı aldığını açıqlayıb.
Kavukcu oktyabrın 27-də keçirilən İdarə Heyətinin iclasından sonra klubun vitse-prezidenti Metin Öztürklə aralarında mübahisə yarandığını bildirib. O, hadisənin sosial şəbəkələrdə şişirdilmiş və həqiqəti əks etdirməyən formada təqdim olunmasından təəssüfləndiyini deyib. Kavukcu klubun fəaliyyətinə dəstəyini davam etdirəcəyini qeyd edib.
Bu gün keçirilən iclasda Kavukcu ilə Öztürk arasında sözlü mübahisə baş verib. Bundan sonra Öztürk də klubdakı vəzifələrindən istefa verdiyini açıqlayıb.
Əsas mənbə: APA