Vətənim Media xəbər verir ki, APA-ya müsahibəsində elm və təhsil nazirinin müavini Firudin Qurbanov vahid geyim qaydalarına riayət olunmasına dair monitorinqlərin davam etdirilməsinin nəzərdə tutulduğunu bildirib.
Qurbanovun sözlərinə görə, Nazirlər Kabinetinin qərarları əsasında aparılan monitorinqlər həm şagirdlərin, həm də müəllimlərin geyiminə aiddir. Yoxlamalarda məktəblərdə qaydaların necə izah və icra olunduğu, rəhbərliyin nəzarət və maarifləndirmə işlərini yerinə yetirməsi də qiymətləndirilir.
Nazir müavini valideynləri övladlarının dərsə davamiyyətinə və məktəb qaydalarına əməl etməsinə görə məsuliyyət daşıdıqlarını xatırladıb. O, müəllimlərin geyim tələblərinə əməl etməsini əmək müqaviləsi və daxili intizam qaydalarının bir hissəsi kimi xarakterizə edib, dərsə üzrsüz gəlməməyi və intizam qaydalarının təkrar pozulmasını yolverilməz adlandırıb.
Əsas mənbə: APA