Vətənim Media xəbər verir ki, Gürcüstanın Bolnisi rayonunun Talaveri (Faxralı) kəndində Arif Əliyev adına 1 saylı ictimai məktəb üçün yeni bina tikilib. APA-nın yerli bürosunun məlumatına görə, təhsil naziri Givi Mikanadze məktəbə baş çəkib və rəhbərliklə valideynlərlə görüşüb.
Tikinti başa çatsa da, nəzarətçi təşkilatın müəyyən etdiyi çatışmazlıqların aradan qaldırılması üzrə işlər davam edir. Binada sinif otaqları, laboratoriya, kitabxana, kompüter otağı və yeməkxana, məktəbin həyətində isə açıq idman meydançası var. Məktəb xüsusi təhsil ehtiyacları olan şagirdlər üçün də uyğunlaşdırılıb.
Əsas mənbə: APA