Vətənim Media xəbər verir ki, Nazirlər Kabinetinin 2026-cı il 5 noyabr tarixli qərarı ilə dövlət qurumlarının informasiya təhlükəsizliyi mühitinin diaqnostikası qaydaları təsdiqlənib. Diaqnostikanın aparılması Xüsusi Rabitə və İnformasiya Təhlükəsizliyi Dövlət Xidmətinə həvalə olunub.
APA-nın məlumatına görə, qiymətləndirmə sənədlərin və məlumatların təhlilini, zərurət olduqda isə yerində baxışı əhatə edəcək. Yoxlama təşkilati idarəetmə, əməkdaşlar və təchizatçılar, fiziki təhlükəsizlik, eləcə də avadanlıq, proqram təminatı və məlumatların təhlükəsizliyi üzrə aparılacaq. Yekun nəticə 0–100 faiz şkalasında üç səviyyədən biri ilə müəyyən ediləcək.
Diaqnostikadan sonra qurumlara çatışmazlıqları aradan qaldırmaq üçün təkliflər və metodiki dəstək veriləcək. Qurumlar aşkar olunan boşluqları qısa müddətdə aradan qaldırmalıdır. Qaydalar kəşfiyyat və əks-kəşfiyyat fəaliyyətinin subyektləri istisna olmaqla, dövlət qurumlarına, dövlətin nəzarətində olan hüquqi şəxslərə, büdcə təşkilatlarına və bələdiyyələrə şamil edilir.
Əsas mənbə: APA