Mart ayının 1-də Tərtər rayonunun sabiq icra başçısı, Tərtər batalyonunun komandiri Sərdar Həmidovun il mərasimi olacaq.
Mərasim Bakıda ikinci Fəxri Xiyabanın girişində, Badamdar dairəsindəki “Qurd qapısı” restoranının yaxınlığında yerləşən mərasim evində olacaq.
Xatırladaq ki, Sərdar Həmidov 1992-1994-cü illərdə Tərtər Rayon İcra Hakimiyyətinin başçısı və ərazi özünümüdafiə komitəsinin sədri, Tərtər batalyonun komandiri olub.
O, Ağdərə əməliyyatının hazırlanması və həyata keçirilməsində, Tərtər-Kəlbəcər yolunun açılmasında böyük xidmətlər göstərib. Prezident Elçibəy tərəfindən göstərdiyi xidmətlərə görə Fəxri fərman verilib və Milli Qəhrəman adına təqdimat yazılıb.
Sərdar Həmidov 2016-cı ildə vəfat edib.