“Atletiko”nun baş məşqçisi Dieqo Simeone İtaliyaya köçə bilər.
“İnter” klubu argentinalı çalışdırıcının xidmətində maraqlıdır.
“Neradzurra” hazırkı baş məşqçi Stefano Pioli ilə mövsümün sonunda vidalaşmağı planlaşdırır. Milanlılar Simeoneyə 5 illik müqavilə təklif etməyə hazırlaşırlar. 47 yaşlı mütəxəssis bu təklifi qəbul etsə, ildə 10-11 milyon avro məvacib alacaq.
2011-ci ildən “Atletiko”nu çalışdıran Simeone Madrid klubuna İspaniya çempionluğu, ölkə kuboku və Superkuboku, həmçinin Avropa Liqası və UEFA Superkubokunu qazandırıb. Bundan əlavə, Simeonenin rəhbərliyi altında “Atletiko” 2 dəfə Çempionlar Liqasının finalına yüksəlib.