Britaniyanın “Euromonitor İnternational” təhlil şirkəti turistlər üçün ən cəlbedici şəhərlərin siyahısını açıqlayıb. Reytinq 100 ölkədən məlumatlar əsasında hazırlanıb. Təhlilçilər bu və ya digər şəhərə 24 saatdan artıq müddətə səfər edən adamların sayını nəzərə alıb.
2017-ci ilin yanvar-sentyabr aylarında ən çox ziyarət olunan şəhər Honkonqdur. 9 ayda bu şəhərə 25,7 milyon nəfər gedib.
İkinci yerdə Tailandın paytaxtı Banqkok durur: 21,2 milyon turist. Britaniyanın paytaxtı London 19,2 milyon ziyarətçi ilə üçüncü pillədə qərarlaşıb.
İlk onluqda Sinqapur (16,6 milyon nəfər), Makao (15,4 milyon), Dubay (14,9 milyon), Paris (14,4 milyon), Nyu-York (12,7 milyon), Şençjen (12,6 milyon turist) və Kuala-Lumpur (12,3 milyon) şəhərlərin də adları var.