Vetenim.info– nun digər saytlardan əldə etdiyi xəbər
“Düşmən müdafiə xəttindəki zəif yeri tapıb”
Ukrayna ordusu düşmən tərəfin səhər saatlarında Luqansk istiqamətində 5 saatlıq hücumunun qarşısını alıb. Bunu Ukrayna prezidenti Petro Poroşenko deyib.
Onun sözlərinə görə, səhər saat 6 radələrində Rusiyanın gücləndirilmiş hərbi briqadaları 1 kilometr hücum xətti boyu iriçaplı artilleriya vasitələrinin və minaatanların güclü dəstəyi ilə Ukrayna ordusunun Jelobkada yerləşən mövqelərinə hücum edib.
Hücumun qarşısı alınan zaman Ukrayna ordusu 4 nəfər itirib.
Turkustan.info xəbər verir ki, baş vermiş hadisəni “Pryamoy” telekanalına şərh edən hərbi ekspert Oleq Starikov Luqaşinaya kütləvi hücumu Ukrayna əks-kəşfiyyatındakı çatışmazlıqlara bağlayıb. Qeyd edək ki, Luqanşina Krımın Ukrayna Silahlı Qüvvələrinin nəzarətində olan hissəsidir.
Ukrayna Silahlı Qüvvələrinin Baş Qərargahı avqustun 23-də Luqansk vilayəti tərəfindən Krım kənd rayonunun 5 saat aramsız atəşə məruz qaldığını xəbər verib. Döyüş zamanı Ukrayna tərəfindən 4 əsgər həlak olub, 7 nəfər isə yaralanıb. Öz növbəsində Luqanskdakı separatçılar da Ukrayna ordusunun hücuma keçdiyini deyir.
Atışma zamanı qondarma LXR tərəfi itki verməyib.
“Məni narahat edir ki, onlar bizim taqım dayaq məntəqələrinə necə yaxınlaşa biliblər? Çünki kəşfiyyat, müəyyən nəzarət sistemləri var”,-deyən Starikovun sözlərinə görə, düşmən ordusu çox güman ki, Ukrayna Silahlı Qüvvələrinin müdafiə xəttindəki zəif yeri tapıb.
“Düşmən ordusu daima bizim tabor dayaq məntəqələrini müşahidə edir və ən zəif yerləri axtarır. Göründüyü kimi, ən zəif yeri tapıblar. Orada hansısa qüsurlar olub və onlar da hücum edib. Görürsünüz, nə qədər adam həlak olub? Məntiqi cəhətdən, hücum edən iki dəfə çox itki və yaralı verməlidir. Yəni, onlar 8-10 nəfər itkiyə məruz qalmalı 15-20 nəfər də yaralanmalı idi. Əgər onların itkisi bizdən xeyli azdırsa, operativ komandanlıq və Baş Qərargah ora komissiya göndərməlidir”,-Starikov belə deyib. /Cebhe.info/