“Bakcell” mobil operator şirkətindən hər gün narazılıq var. Şirkətin abunəçiləri aldatması normaya çevrilib
Buna görə kütləvi şəkildə bu mobil operatordan imtina edənlər var. Üstəlik, şikayətlərə baxılmır, istənilən halda da vətəndaş təqsirkar çıxarılır.
Bəhlul Bilalov adlı abunəçi də “Bakcell”in fırıldaqçılığından şikayətlənib. Onun sözlərinə görə, nömrəsinə sms gəlib: “Siz kinotron.info” xidmətinə qoşuldunuz.
Xidməti dayandırmaq üçün stop sözünü 9576 nömrəsinə göndərin. Qiymət-0.59 AZN/gün. Əslində, mən heç bir xidmətə qoşulmamışam. Bununla əlaqədar kimə müraciət edə bilərəm? Bakcell nümayəndəsi varmı ? Onları məhkəməyə necə vermək olar?”
Qeyd edək ki, Azərbaycanda mobil operatorların müştəriləri aldatması artıq ənənəvi hal alıb. Bununla bağlı uzun müddətdir ki, mediada məlumatlar yayılır, tənqidi fikirlər səsləndirilir.