Lisenziyasına xitam verilən ANS TV-nin saytı fəaliyyətini bərpa edib.
Hazırda televiziyanın saytına qoyulan məhdudiyyətin aradan qaldırıldığı bildirilir.
Xatırladaq ki, iyulun 29-da Bakı Apelyasiya Məhkəməsində ANS-in lisenziyasına xitam verilməsi ilə bağlı qərar qəbul olunub.
ANS rəhbərliyi bu qərarı ədalətli qərar hesab etmədiyini bildirib və Ali Məhkəməyə müraciət edib (big.az).
Sayta bu linkdən daxil olmaq mümkündür:
http://www.anstv.ws/site/index
***
Məsələ ilə bağlı Lent.az-a açıqlama verən ANS TV-nin əməkdaşı Eldəniz Elgün bildirib ki, ANS TV-nin “anstv.ws” saytı rəsmi olaraq bağlanmamışdı:
“Sadəcə ANS TV və ANS ÇM radiosu bağlandığı üçün biz də saytın fəaliyyətini təhlükəsizlik baxımından müvəqqəti dayandırılması qərarına gəlmişdik. Həm də saytın bəzi texniki problemləri var idi. İndi sayt işləmir, sadəcə görüntü olaraq mövcuddur. Sayt o zaman işlək olar ki, yeni xəbərlər yerləşdirilsin”.