ABŞ-ın Şarlott şəhərinin polis idarəsi qaradərili Kit Lamont Skottun asayiş keşikçiləri tərəfindən öldürülməsi anının əks olunduğu videonu yayıb.
APA-nın “RİA Novosti”yə istinadən verdiyi xəbərə görə, əməliyyatda iştirak etmiş polis əməkdaşlarının üzərindəki videokameraların qeydə aldığı kadrlar ictimaiyyətə təqdim olunub.
Ötən gün şəhər polis idarəsinin rəisi Kerri Putni keçirdiyi mətbuat konfransında Skottun üzərindən tapança aşkarlandığını qeyd edib. Lakin, ictimaiyyətə təqdim edilən videoçarxda Skitta məxsus tapança əks olunmayıb. Polis rəisinin sözlərinə görə, video digər sübutlarla birlikdə nəzərdən keçirilməlidir.
Qeyd edək ki, bundan əvvəl Kit Skottun həyat yoldaşı ərinin polis tərəfindən öldürülmə anının əks olunduğu videonu yayıb.