Rusiyanın Krasnoyarsk şəhər morqunda qadın meyidi itib.
2016-cı il dekabrın 6-da morqa 88 yaşlı qadının meyidi gətirilib. Ertəsi gün müvafiq ekspertizalardan sonra meyit soyuducu kameraya aparılıb. Ölən qadının yaxınları 1 həftə sonra meyidi aparmaq üçün morqa müraciət ediblər. Lakin meyit tapılmayıb.
Məsələ ilə bağlı səhlənkarlıq maddəsi ilə cinayət işi açılıb. İstintaq meyidin bilmədən basdırılması və ya oğurlanması versiyalarını nəzərdən keçirir.