“Xəzər” TV-nin canlı efirində yayımlanan “5-də 5” verilişində Zaur Kamal müğənni Mənzurə Musayevaya keçi sağdırıb.
Turkustan.info bildirir ki, keçini studiyaya gətirən aparıcı Zaur Kamal müğənnidən onu sağmasını tələb edib. Mənzurə Müsayeva isə keçidən iy gəldiyini və süd sağılan yerini tapa bilmədiyini deyib. Heç cür keçiyə yaxın gedə bilməyən müğənninin köməyinə isə tamaşaçılar arasından bir xanım çatıb. Lakin həmin xanım əvvəlcə keçini sağmaqda çətinlik çəkib. Keçinin süd vəzilərini tapa bilməyən Mənzurə Musayeva ilə tamaşaçı xanım heyvanın dişi, yoxsa erkək olduğunu soruşub. Bu sual studiyada gülüş yaradıb. Keçinin dişi olduğunu aydınlaşdırandan sonra xanım keçini Mənzurə Musayeva ilə birlikdə sağıb. Sağılan südü verilişin digər qonağı Yusif Mustafayev içib.
Turkustan.info “A24.az”-a istinadən verilişdən olan videogörüntünü təqdim edir: