Millimizə cəlb olunan Renat Dadaşov “Ayntraxt”ın U-19 komandasında növbəti matçına çıxıb.
Frankfurt təmsilçisi doğma meydanda “Qroyter Fyurt” ilə qarşılaşıb.
Gənclər Liqasının Cənub-qərb zonası üzrə birinciliyinin 18-ci turu çərçivəsində keçirilən görüş qolsuz bərabərliklə başa çatıb.
Matça start heyətində başlayan Renat görüşü əvəzedilmədən başa vurub.
Qeyd edək ki, “Ayntraxt” U-19 18 oyundan sonra 24 xalla 14 klub arasında 7-ci pillədə qərarlaşıb.