Danimarka millisinin sabiq qapıçısı Tomas Sorensen karyerasını başa vurub.
41 yaşlı qolkiper butslarını mismardan asdığını elan edib. O, son olaraq Avstraliyanın “Melbourne City” klubunda çıxış edirdi.
“Karyeram və uğurlarım barədə düşünəndən sonra bu qərarı verdim. Mənə dəstək verən hər kəsə, xüsusilə həyat yoldaşım və uşaqlarıma minnətdaram” – Sorensen deyib.
O, Danimarka millisində 101 oyun keçirib. Klub səviyyəsində təcrübəli əlcək ustası “Aston Villa“, “Stoke City” və “Sunderland“in də qapısını qoruyub.