Sabah 19 yaşadək futbolçular arasında Avropa çempionatının seçmə mərhələsinin VII qrupunda mübarizəyə start veriləcək.
Azərbaycan millisinin qüvvəsini sınayacağı qrupun görüşləri İrlandiyada keçiriləcək.
Təbriz Həsənovun baş məşqçisi olduğu komandamız sabah baş tutacaq ilk görüşündə meydan sahibləri ilə üz-üzə gələcək. Artıq ilk turun təyinatları açıqlandığından matçı lüksemburqlu Alen Duronun idarə edəcəyi də bəllidi.
İrlandiya ilə qarşılaşmamız Uoterford şəhərindəki Regional İdman Mərkəzində təşkil olunacaq. Qrupun açılış oyunu başa çatandan sonra isə Serbiya ilə Kipr görüşəcək.
Millimiz ikinci matçında Serbiya ilə qarşılaşacaq. Son turdakı rəqib isə Kipr olacaq.
19 yaşadək futbolçular arasında Avropa çempionatının seçmə mərhələsi
VII qrup
I tur, 4 oktyabr
18:00. Azərbaycan – İrlandiya
Hakim: Alen Duro (Lüksemburq)
Uoterford. Regional İdman Mərkəzi
22:00. Serbiya – Kipr
Hakim: Nikolay Popov (Bolqarıstan)
Ueksford. “Ferrikarriq Park” stadionu
II tur, 7 oktyabr
18:00. Serbiya – Azərbaycan
Ueksford. “Ferrikarriq Park” stadionu
22:00. İrlandiya – Kipr
Uoterford. Regional İdman Mərkəzi
III tur, 10 oktyabr
16:00. İrlandiya – Serbiya
Uoterford. Regional İdman Mərkəzi
16:00. Kipr -Azərbaycan
Ueksford. “Ferrikarriq Park” stadionu