Klanın daha bir vəzifəlisi qovuldu
Uzun illər Ermənistanda hakimiyyətdə olan cinayətkar Qarabağ klanına daha bir zərbə vurulub. Ermənistanın yeni baş naziri Azərbaycanın işğal altında olan ərazilərində anadna olan Baş Qərargah rəisini işdən qovub. Turkustan.info erməni mətbuatına istinadla verdiyi məlumata görə, bu barədə Nikol Paşinyan özü məlumat verib.
Movses Akopyanı əvəz edəcək yeni rəisinin adı bu gün açıqlanacaq.
Paşinyanın sözlərinə görə, o artıq ölkə prezidenti Armen Sarkisyana Akopyanın başqa işə keçidlə bağlı Baş qərargah rəisi vəzifəsindən çıxarılması haqqında məlumat verib.
Xatırladaq ki, bundan öncə Akopyan separatçı rejimdə “müdafiə naziri” postunu tutub. 2016-cı ilin oktyabrından isə Ermənistanın Baş Qərargah rəisi idi.
O, 1965-ci ildə Xocavənddə anadan olub. /İstiPress/