Vətənim Media xəbər verir ki, Özbəkistan Prezidenti Şavkat Mirziyoyev Azərbaycan Prezidenti İlham Əliyevə Zəfər Günü münasibətilə təbrik məktubu göndərib.
Mirziyoyev məktubunda altı il əvvəl tarixi ədalətin bərpa olunduğunu və Azərbaycanın ərazi bütövlüyünün təmin edildiyini bildirib. O, bu nəticəni Azərbaycanın siyasi, diplomatik və hərbi potensialının səfərbər olunması, eləcə də xalqın qəhrəmanlığı və mətanəti ilə əlaqələndirib.
Özbəkistan prezidenti bu il Bakı, Daşkənd və Buxarada keçirilən görüşləri və əldə olunan razılaşmaları iki ölkə münasibətlərində yeni səhifə adlandırıb. Onun sözlərinə görə, Əbədi Dostluq haqqında Müqavilə strateji tərəfdaşlıq və müttəfiqlik münasibətlərini yeni mərhələyə yüksəltmək üçün mühüm addımdır.
Əsas mənbə: APA