Namiq Həsənov “Tarixi birlikdə öyrənək” layihəsində bu dəfə Rəşid Əsəd oğlu Məcidov 22 İyun 1908-ci ildə Bakı şəhərində doğulub..
Rəşid Əsəd oğlu Məcidov 22 İyun 1908-ci ildə Bakı şəhərində doğulub. Bakı Sənaye və İqtisadiyyat Texnikimunda təhsil alıb. 8 nömrəli yetimxanada tərbiyəçi və qabaqcıl pioner olub. ZSFSR-in mövcud olduğu illərdə Komsomol regional komitəsinin katibi seçilib. 1933-cü ilin noyabrından-Azərbaycan Komsomolunun Mərkəzi Komitəsinin birinci katibi olub.
Sonra Moskvada Ali Partiya Məktəbində təhsilini davam etdirib. Qaradağ Rayon Partiyası Komitəsinin birinci katibi, Oktyabr rayon təşkilat komitəsinin birinci katibi və Yayımlama Komitəsinin sədri olub. Böyük Vətən Müharibəsi dövründə o, 416-cı atıcı diviziyasının siyasi şöbəsinin rəhbəri idi.
Diviziyanın tərkibində Mozdokdan Berlinə qədər yol keçib. 1945-ci il mayın 2-də Berlinin alınması zamanı, Berlinin Brandenburq qapısı üzərində Sovet bayrağını dalğalandırıb. Müharibədən sonra Gürcüstan SSR-də, Vazianidə artilleriya alayı heyətinin başçısı təyin olunub. O, daha sonra Azərbaycan Milli Diviziyasının siyasi şöbəsinin rəhbəri olub.
Bakının Oktyabr (Yasamal) rayon komitəsinin birinci katibi, Azərbaycan Kommunist Partiyası Mərkəzi Komitəsinin inzibati qurumları şöbəsinin müdiri vəzifəsində çalışıb.. Azərbaycan SSR Ali Sovetinin III çağırışında deputat seçilib. Leykemiya xəstəliyindən əziyyət çəkən Rəşid Məcidov, 1970-ci ildə vəfat edib.
Bakıda yerləşən Fəxri Xiyabanda dəfn edilib. Rəşid Məcidov Mariya İvanova adlı xanımla ailə həyatı qurub və ömrünün sonuna qədər onunla birlikdə yaşayıb. 3 oğlu dünyaya gəlib.
Onlardan ikisi Qarabağ müharibəsində iştirak edib. Böyük oğlu Vladislav xüsusi təyinatlılar qərargahının rəisi, Mikayıl isə Ağdamdakı hərbi sahə xəstəxanasında neyrocərrah idi…