Fransa prezidenti Emmanuel Makron yuxarı sinif şagirdlərinin etirazları ilə bağlı vəziyyəti müzakirə etmək üçün Yelisey sarayında bir sıra nazirlərin iştirakı ilə təcili müşavirə keçirəcək. BFMTV bu barədə Makronun yaxın ətrafına istinadən xəbər verib.
Telekanalın məlumatına görə, müşavirədə Baş nazir Sebastyen Lekornyu və milli təhsil naziri Eduar Jefre də iştirak edəcək. Görüşün çərşənbə axşamı axşam saatlarında keçirilməsi planlaşdırılır.
Etirazlar sentyabrın 21-də Paris ətrafında başlayıb; məktəblilər müəllim çatışmazlığı, həddindən artıq uzun dərs saatları, köhnəlmiş məktəb binaları, böyük siniflər və təhsil sistemindəki digər problemlərə etiraz edirlər.
Son günlər bəzi aksiyalarda nümayişçilərlə polis arasında toqquşmalar qeydə alınıb, bir sıra məktəblərin girişləri bloklanıb və müdaxilələrə görə mübahisələr yaranıb; son hadisələr zamanı bir neçə yeniyetmə xəsarət alıb. Etirazların ölkə üzrə genişlənməsi müşahidə olunur.
Əsas mənbə: APA