Vətənim Media xəbər verir ki, Polşanın Ostroleka şəhərindəki peşə məktəbində 19 yaşlı şagirdin bıçaqla hücumu nəticəsində 10 nəfər xəsarət alıb. Şübhəlinin məktəbdə şagirdlərə və müəllimə hücum etdiyi, binadan qaçarkən isə yaxınlıqda daha iki nəfəri yaraladığı bildirilir.
Mazure voyevodalığının qubernatoru Mariusz Frankovski yaralananlar arasında beş şagird, iki müəllim, iki yoldan keçən şəxs və özünə xəsarət yetirən şübhəlinin olduğunu açıqlayıb. Doqquz nəfər xəstəxanaya yerləşdirilib; yaralananların heç birinin vəziyyətinin həyati təhlükəli olmadığı qeyd olunub. Polis 19 yaşlı şübhəlini hadisədən təxminən 20 dəqiqə sonra şəhər çimərliyinin yaxınlığında saxlayıb. Saxlanılarkən xəsarət aldığı bildirilən şəxsə tibbi yardım göstərilib. Hücumun səbəbi hələ açıqlanmayıb.
Əsas mənbə: APA