Vətənim Media xəbər verir ki, elektrik təsərrüfatında aparılacaq təmir və yenidənqurma işləri ilə əlaqədar oktyabrın 8-də Bakının bir sıra ərazilərində, eləcə də Abşeron rayonunda elektrik enerjisinin verilişində fasilələr yaranacaq. Yasamal rayonunda saat 10:00-dan 13:00-dək Abbas Mirzə Şərifzadə, Dadaş Bünyadzadə, Mirəli Seyidov, Nazim Hikmət və Tağı Şahbazi küçələrində, həmçinin İnşaatçılar prospektinin bir hissəsində təchizat məhdudlaşdırılacaq.
Səbail rayonunun Badamdar şossesinin bəzi hissələrində və 2-ci yaşayış massivinin 2-ci dalanında saat 11:00-dan 16:00-dək qısa fasilələr gözlənilir. Binəqədidə naqillərin yenilənməsi səbəbindən saat 10:00-dan 16:00-dək 10 May küçəsi və kənd Binəqədinin bəzi ərazilərində, Abşeron rayonunda isə saat 10:00-dan 15:00-dək bir sıra küçələrdə elektrik verilişi məhdudlaşdırılacaq. İşlər başa çatdıqdan sonra ərazilərin daha dayanıqlı enerji ilə təmin olunacağı bildirilib.
Əsas mənbə: APA