Vətənim Media xəbər verir ki, Beynəlxalq Valyuta Fondunun (BVF) icraçı direktoru Kristalina Georgiyeva Səudiyyə Ərəbistanının infrastrukturuna edilən hücumların qlobal miqyasda mənfi nəticələr doğura biləcəyini bildirib. O, krallıqda baş verən hadisələrlə əlaqədar ölkənin xalqına və rəhbərliyinə başsağlığı verib.
Georgiyeva bu fikirləri Banqkokda BVF və Dünya Bankının rəhbər orqanlarının payız sessiyası çərçivəsində keçirilən brifinqdə səsləndirib. Onun sözlərinə görə, Səudiyyə Ərəbistanı iqtisadi baxımdan həm region, həm də dünya üçün əhəmiyyətlidir və ölkədəki hadisələrin təsiri geniş çevrədə hiss oluna bilər.
Məlumata əsasən, oktyabrın 10-da Ər-Riyad hava limanına hücum nəticəsində azı 12 nəfər ölüb, 309 nəfər yaralanıb. Səudiyyə Ərəbistanının Mülki Aviasiya Baş İdarəsi oktyabrın 11-də baş verən növbəti hücumda da bir neçə nəfərin xəsarət aldığını açıqlayıb. Yəmənin “Ənsar Allah” hərəkatı həmin gün raket və pilotsuz uçuş aparatlarından istifadə etməklə dörd əməliyyat keçirdiyini bəyan edib.
Əsas mənbə: APA