Vətənim Media xəbər verir ki, Bakının Ziya Bünyadov prospektində dörd avtomobilin iştirakı ilə zəncirvari qəza baş verib. Hadisə texniki nasazlıq üzündən qəfil dayanan VAZ-2107 markalı avtomobildən sonra başlayıb. Digər VAZ-2107-nin sürücüsü dayanmış avtomobilə kömək etmək üçün yol kənarında saxlayıb.
Arxadan gələn “Opel” əvvəlcə yolda dayanmış VAZ-2107-yə çırpılıb, ardınca həmin istiqamətdə hərəkət edən BYD də qəzaya düşüb. İki sürücü xəsarət alaraq təcili tibbi yardım avtomobilləri ilə xəstəxanaya aparılıb. Qəza prospektdə nəqliyyat sıxlığı yaradıb; polis əməkdaşları hadisə yerinə cəlb olunub, avtomobillərin yoldan götürülməsi üçün iş aparılıb.
Əsas mənbə: APA