Vətənim Media xəbər verir ki, oktyabrın 23-də Azərbaycanda cinayət törətməkdə şübhəli bilinən 50 nəfər polis tərəfindən saxlanılıb. APA bu barədə Daxili İşlər Nazirliyinin Mətbuat Xidmətinə istinadən məlumat yayıb.
Daxili İşlər Nazirliyinin məlumatına görə, ötən gün qeydə alınan 36 və əvvəlki dövrlərdən bağlı qalan 9 cinayətin açılması təmin edilib. Axtarışda olan 127 nəfər saxlanılaraq aidiyyəti üzrə təhvil verilib; onların 85-i borclu şəxs qismində axtarışda olub. Narkotiklərlə bağlı 14, qanunsuz silah-sursatın aşkarlanması və götürülməsi ilə bağlı isə 5 fakt müəyyən edilib.
Yaşadığı ünvanı ailə üzvlərinə xəbər vermədən tərk etdiyinə görə itkin düşmüş kimi axtarılan 5 nəfər tapılıb. Dələduzluğa görə axtarışda olan 8 nəfər də saxlanılaraq istintaqa təhvil verilib.
Əsas mənbə: APA