Vətənim Media xəbər verir ki, Bakıda bir nəfərin öldüyü kütləvi insidentlə bağlı saxlanılan beş nəfər barəsində həbs qətimkan tədbiri seçilib. APA-nın məlumatına görə, Xətai Rayon Məhkəməsi istintaq orqanının təqdimatını təmin edib.
Məhkəmənin qərarı ilə Əfəndiyev Kamran, İsmayılov Mikayıl, Dadaşov Ramil, Eldarov Eldar və Zülfiqarov Həsən 4 ay müddətinə həbs olunublar. Onlara Cinayət Məcəlləsinin 218.1, 218.2, 234.4.1, 234.4.3, 29, 234.4.1 və 29, 234.4.3-cü maddələri ilə ittiham irəli sürülüb.
Əsas mənbə: APA